Bu Əlavə Saziş yalnız GEOFİZİK.COM portalında PRO mühəndis statusuna malik, dərin quyu karotajı (LAS Viewer), seysmik korrelyasiya və qabaqcıl petrofiziki analiz modullarına çıxış hüququ verilmiş istifadəçilərə şamil olunur.

2.1. PRO istifadəçi sistem daxilində açdığı, vizuallaşdırdığı və ya interpretasiya etdiyi LAS (Log ASCII Standard) karotaj əyrilərinin (GR, RES, NPHI, RHOB, DT və s.), litoloji kolonların, neft-qaz doyumluluğu hesablamalarının mütləq kommersiya və dövlət əhəmiyyətli sirr olduğunu təsdiq edir.

2.2. Bu məlumatların kənar şəxslərə və ya təşkilatlara sızdırılması birbaşa maddi ziyanın ödənilməsi və cinayət məsuliyyəti yaradır.

PRO istifadəçi tərəfindən LAS Viewer və digər qabaqcıl modullardan generasiya edilən hər bir PDF hesabatına istifadəçinin adı, soyadı, e-poçt ünvanı və saatını ehtiva edən görünən və görünməyən rəqəmsal ştrix-kod həkk edilir. Sənəd xaricə ötürüldükdə mənbə bu kod vasitəsilə dərhal aşkar edilir.